Dosbarth Gwy
Blynyddoedd 1 a 2 – Ffrwd Gymraeg
Dosbarth Gwy yw’r dosbarth Bl.1a 2 yn y Ffrwd Gymraeg a enwir ar ôl Afon Gwy.
Croeso i Ddosbarth Gwy!
Ein thema ar gyfer y tymor hwn yw ‘Arwyr Bwyd Iach / Healthy Food Heroes’, gan gysylltu ein dysgu ar draws Iechyd & Lles a Gwyddoniaeth & Thechnoleg. Drwy gydol y tymor, bydd y plant yn archwilio sut y gall y dewisiadau rydym yn eu gwneud ynghylch bwyd, diod ac ymarfer corff effeithio ar ein hiechyd corfforol a meddyliol. Byddant yn ymchwilio i beth sy’n gwneud deiet gytbwys, yn dysgu am ffyrdd iach o fyw ac yn ystyried sut y gall gwneud dewisiadau cadarnhaol ein helpu i fyw bywydau hir, iach ac egnïol.
Rydym yn eich annog i gefnogi eich plentyn gartref drwy drafod arferion bwyta’n iach, eu cynnwys wrth baratoi bwyd lle bo modd, a siarad am bwysigrwydd gweithgarwch corfforol rheolaidd.
Edrychwn ymlaen at rannu dysgu’r plant gyda chi yn ystod y tymor.
Yn y llythyr hwn fe welwch wybodaeth am y tymor sydd i ddod. Gobeithio y bydd yn ddefnyddiol i chi.
Iaith, Mathemateg a Chymhwysedd Digidol
Y tymor hwn, bydd y plant yn datblygu eu sgiliau ysgrifennu drwy amrywiaeth o weithgareddau diddorol. Byddant yn ysgrifennu adroddiad yn seiliedig ar eu hymchwiliad i weld a yw ein hysgol yn darparu pryd cytbwys i blant, yn creu cyfarwyddiadau clir sy’n gysylltiedig â gweithgareddau coginio, ac yn archwilio ysgrifennu creadigol drwy addasu a newid stori i’w gwneud yn un eu hunain. Trwy’r tasgau hyn, bydd y dysgwyr yn magu hyder wrth ysgrifennu ar gyfer gwahanol ddibenion a chynulleidfaoedd.
Yn mathemateg, byddwn yn parhau i ddatblygu hyder yn y sgiliau rhif sylfaenol, gan gynnwys cyfrifo, adnabod rhifau a chyfrifiadau syml. Byddwn hefyd yn datblygu ein sgiliau llythrennedd ariannol drwy drefnu a chymharu symiau hyd at £10, talu am eitemau hyd at £2 a chyfrifo newid. Ym maes mesur, byddwn yn defnyddio unedau safonol ac ansafonol i fesur a chymharu pwysau a chynhwysedd drwy weithgareddau ymarferol.
Bydd y plant yn dysgu sut i gasglu a threfnu gwybodaeth a’i chyflwyno mewn tablau a siartiau syml. Byddant yn defnyddio offer digidol i ateb cwestiynau a rhannu eu dysgu. Yn ogystal, byddant yn creu cyflwyniadau gan ddefnyddio testun, lluniau a sain, gan ddatblygu eu hyder a’u creadigrwydd wrth ddefnyddio technoleg.
Ymarfer Corff
Bydd ein gwers Addysg Gorfforol bob Dydd Iau. Gofynnwn i’r plant ddod i’r ysgol yn eu cit Ymarfer Corff bob Dydd Iau. Bydd angen trowsus neu siorts arnynt (yn dibynnu ar y tywydd), crys-T (dim topiau fest na thopiau byr), siwmper ac esgidiau addas.
Am resymau iechyd a diogelwch, bydd angen i blant sydd â chlustdlysau dynnu’r rhain allan ar gyfer y gwersi. Dylid clymu gwallt hir yn ôl, felly sicrhewch fod ganddynt fand gwallt. Os nad yw eich plentyn yn gallu cymryd rhan yn y wers am unrhyw reswm, anfonwch e-bost i egluro pam.
Dydd Iau ar y Cae (Dysgu Awyr Agored)
Bydd y plant yn cymryd rhan mewn sesiynau dysgu awyr agored rheolaidd fel rhan o’u cwricwlwm. Bydd y gweithgareddau hyn yn rhoi cyfleoedd i ddatblygu gwaith tîm, datrys problemau, creadigrwydd a gwydnwch wrth archwilio a dysgu yn yr amgylchedd naturiol. Gall sesiynau gynnwys ymchwiliadau natur, gweithgareddau mathemateg a llythrennedd ymarferol, dysgu creadigol a gemau awyr agored.
Rydym yn hynod ffodus bod Cyfeillion yr Ysgol wedi darparu dillad glaw i bob disgybl i’w defnyddio yn ystod gweithgareddau awyr agored yr ysgol, felly nid oes angen i chi ddarparu’r rhain. Fodd bynnag, gofynnwn i chi anfon pâr o esgidiau glaw (welis) i’r ysgol ar gyfer eich plentyn (oni bai bod ganddynt bâr eisoes yn yr ysgol).
Bydd gweithgareddau awyr agored yn cael eu cynnal yn ddyddiol, ond bydd Dydd Iau ar y Cae yn digwydd bob Dydd Iau.
Darllen
Ein nod yw gwrando ar bob plentyn yn darllen mor aml â phosibl. Byddem yn hynod ddiolchgar pe gallech gefnogi eich plentyn drwy wrando arnynt yn darllen a gofyn cwestiynau iddynt mor aml â phosibl. Bydd darllen yn rheolaidd yn cefnogi dysgu eich plentyn ym mhob maes.
Bydd y plant hefyd yn cymryd rhan mewn gweithgareddau Darllen dan Arweiniad wythnosol yn y dosbarth. Byddwn yn parhau i anfon llyfr ymarfer adref gyda geiriau sillafu i’w hymarfer yn wythnosol. Mae’r geiriau hyn yn cyd-fynd â’r hyn rydym yn ei ddysgu yn ystod sesiynau Tric a Chlic, sydd ganddynt dair gwaith yr wythnos yn yr ysgol. Bydd y plant yn parhau i ymarfer eu geiriau wythnosol yn ystod ein sesiynau ffoneg. Dim ond pan fyddant yn gallu darllen y geiriau’n hyderus, eu sillafu’n gywir a’u defnyddio’n gywir mewn brawddeg y byddant yn symud ymlaen at eiriau newydd. Mae hyn yn helpu i sicrhau bod eu dysgu wedi’i gadarnhau’n llawn cyn cyflwyno geirfa newydd.
Byddem yn ddiolchgar iawn pe gallech helpu eich plentyn i ddysgu’r geiriau hyn gartref. Hefyd, sicrhewch fod eich plentyn yn dod â’i lyfr darllen i’r ysgol bob dydd.
Apiau Ar-lein / Hwb
Bydd gan bob plentyn fynediad at eu cyfrif Hwb, cyfrif Sumdog a Darllen Co, lle gallant ymarfer mathemateg a darllen. Bydd eu henwau defnyddwyr a’u cyfrineiriau yn cael eu hanfon adref gyda’ch plentyn yn fuan, a gallant eu defnyddio gartref pryd bynnag y dymunant.
Poteli Dŵr a Ffrwythau
Dylai’r plant ddod â photel ddŵr i’r ysgol bob dydd fel bod dŵr ar gael iddynt yn ystod amseroedd gwersi. Ar ôl egwyl awyr agored, bydd ganddynt amser byrbryd. Rydym yn annog pob disgybl i ddod â darn o ffrwyth i’w fwyta bob dydd yn ystod yr amser hwn.
Athrawon y Dosbarth
Miss Ffion Williams yw athrawes amser llawn y dosbarth eleni a bydd Miss Menna Hughes yn gweithio fel cynorthwywraig y dosbarth i gefnogi’r plant yn llawn amser.
Dechrau a Diwedd y Dydd
Hoffwn atgoffa pawb am y trefniadau bore a phrynhawn. Dylai’r plant gyrraedd yr ysgol rhwng 8.30yb. a 8.50yb a byddant yn gadael am 3.25yp o ddrws dosbarth Pen y Fan.
Os oes unrhyw newid i drefniadau arferol amser mynd adref eich plentyn, rhowch wybod i’r swyddfa er mwyn sicrhau bod pawb yn cyrraedd adref yn ddiogel, yn enwedig os yw eich plentyn yn teithio ar y bws.
Os oes gennych unrhyw gwestiynau pellach, mae croeso i chi gysylltu â mi drwy’r cyfeiriad e-bost isod:
office@builth.powys.sch.uk